నిజామాబాద్, వెలుగు : పసుపు బోర్డు ఏర్పాటు వెనక కాంగ్రెస్సర్కారు కృషి ఉందని రూరల్ ఎమ్మెల్యే డాక్టర్ భూపతిరెడ్డి అన్నారు. గతేడాది ఫిబ్రవరి, నవంబర్లో రాష్ట్ర అగ్చికల్చర్మినిస్టర్ తుమ్మల నాగేశ్వర్రావు పసుపు బోర్డు ఆవశ్యతను తెలుపుతూ రెండుసార్లు అధికారికంగా కేంద్ర ప్రభుత్వానికి లెటర్లు రాశారని, రైతులతో కలిసి కాంగ్రెస్ కేంద్రంపై ఒత్తిడి తేవడంతో బోర్డు ఏర్పాటు చేశారన్నారు. అయితే ఎలాంటి ప్రొటోకాల్ పాటించక కేంద్ర మంత్రి పీయూష్ గోయల్ఢిల్లీ నుంచి వర్చువల్గా, దీనిని ప్రారంభించాల్సిన అవసరం ఏమొచ్చిందని ప్రశ్నించారు.
గురువారం నిజామామాద్లోని డీసీసీ ఆఫీస్లో ఆయన మీడియాతో మాట్లాడారు. స్టేట్ గవర్నమెంట్కు ఎలాంటి సమాచారం ఇవ్వక, పసుపు రైతులను ఆహ్వానించక కొంపలు మునిగినట్లు ఆగమేఘాలపై హోటల్లో బోర్డునెందుకు ప్రారంభించారని ప్రశ్నించిన మంత్రి తుమ్మలను ఎంపీ అర్వింద్ విమర్శించడం తగదన్నారు. తండ్రి వయస్సు వ్యక్తిని గౌరవించే సంస్కారం మరిచారని ఫైరయ్యారు. 2019లో పసుపు బోర్డు తెస్తానని ఎంపీ అర్వింద్రైతులకు స్టాంప్ పేపర్ రాసిచ్చి స్పైస్బోర్డు పేరుతో నగరంలోని 4వ డివిజన్ బ్యాంక్ కాలనీలో ఆఫీస్మాత్రమే ఏర్పాటు చేయించారని గుర్తు చేశారు.
బోర్డు ఏర్పాటును స్వాగతిస్తున్నామని, అయితే దాని విధివిధానాలను కూడా వెంటనే ప్రకటించాలని డిమాండ్ చేశారు. ఎంత మంది డైరెక్టర్లను నియమించేది? రీసెర్చ్సెంటర్పెడతారా? లేదా? రైతులకు కలిగే ప్రయోజనం ఏమిటో పూర్తిగా స్పష్టం చేయాలన్నారు. అధికారం పోయిన ఫ్రస్టేషన్ కేటీఆర్, హరీశ్రావును ఇంకా వీడడంలేదని, కేటీఆర్ త్వరలో జైలుకు వెళ్లడం ఖాయమన్నారు. సమావేశంలో మార్కెట్ కమిటీ చైర్మన్ ముప్పగంగారెడ్డి, ఐడీసీఎంఎస్ చైర్మన్ తారాచంద్నాయక్, కాంగ్రెస్ లీడర్లు శేఖర్గౌడ్, శ్రీనివాస్, ప్రవీణ్, విపుల్గౌడ్, నరేశ్, నవీన్గౌడ్, అనీల్ తదితరులు పాల్గొన్నారు.
